آشيق ريضا باهارلي
« ريضا باهارلي »نين گؤوهردير سؤزي
دلي گؤينوم دؤرت طرفدن آه ائلَه ر
هر يانا دولانسان ، غَمَه ، چاري يوخ
شاهي گدا ائيله ر ، گدالاري شاه
فلك گرديشينين ائعتيباري يوخ
بد اصيلين ايشي واره دوزولدي
اصيللينين گؤل پرگاري پوزولدي
هر ايگيد كي قاتاريندان اوزولدي
آللاهيندان سوواي ، اوميدواري يوخ
دونيا جيفه سيندن نامرد ، مرد اولار
يوخسول ايگيدلرين رنگي زرد اولار
قوهومدان ـ قارداشدان اوزي سَرد اولار
دييه للَر : بي غئيرت ، ناموس ـ عاري يوخ
اگر گئيسه ن يوز ايل آغي ـ قيرميزي
چولقالار آخيردا بئش آرشون بئزي
« ريضا باهارلي »نين گؤوهردير سؤزي
نادان بازاريدير ، خريداري يوخ
posted by Mehran Baharlı @ 12:16 PM
0 comments
0 Comments:
Post a Comment
<< Home